自從肥媽係TBB 果個節目拿出這個"盆鹽"後, 即刻令一眾師奶驚為天人
真想試下呢個鹽有幾好味......但要買盆鹽也不是易事, 要配合天時地理人和,
這是生晒豉油後留在缸底的沈澱物, 天氣好夠太陽豉油當造, 盆鹽自然貨源充足
如果落雨天多, 亦影響盆鹽生產, 所以雖不是貴價品, 但得來不易, 要買都要排在waiting list....
盆鹽, 大家都只係知道有大孖, 其實九龍醬園都有造, 外型上既明顯分別係大孖係啡黃色, 而九龍醬園的是黑黑地似泥土色
我未試過大孖出的盆鹽, 但今日有幸買到九龍醬園的都可以試一下(其實都等左2個月先買到, 真巴閉)
今次我用來炒菜, 有一個問題係好難溶(不明為什麼肥媽係節目度煮咩都可以落), 要早一點落鹽, 而且要係咁用個攪溶佢, 攪左一大輪終於都煮好
老公第一下聞到話好鬼香wo, 味道幾鮮~順利通過佢既胃口, 食晒成碟炒耶菜!!
上網再詳細看, 盆鹽最好係落湯調味, 提升湯既鮮味, 味道比鹽巴更有層次, 而且純天然吃都吃得放心點吧~~
咁珍貴既食材要好好儲存, 用玻璃器皿入好存放於雪櫃內, 可以放上好幾個月
購自: 金飯碗
30蚊約30g一包仔~
------------------------------------------
如喜歡我的blog 可以到我的Facebook專頁like 一下^^ 謝謝!
版權所有, 如要轉載請列明出處: 小Con 私房菜, Thanks!
沒有留言:
張貼留言