產後食療餐單

產前飲食雖然重要, 但產後調理更不容忽視, 由其係飲食, 雖然有好多媽媽都會請陪月照料, 但有些人會想屋企人照顧, 我奶奶會陪我坐月, 為免佢太粗勞, 我都會準備定乾貨用品比佢, 而我朋友就給我一份詳細的坐月餐單, 到時佢就可以跟住煮坐月餐啦

21weeks 照結構 + 第一次胎動

第一次到政府醫院產檢 16weeks

第16weeks 才排到政府醫院產檢, 等了我3小時才完成, 雖然等了很久, 但感覺上都幾求其, 度高磅重驗尿, 聽下胎兒心跳, 問下資料咁, 最後還抽了我5支血.....因為一切正常, 就轉介我去健康院, 到臨生前一個月才回醫院跟進啦
所以建議做埋私家產檢, 兩邊跟進會安心點

我亦開始加入網上媽媽會了, 見到有些媽媽已感覺到胎動真係好神奇, 攪到我好想快d感覺到佢既存在....現在見到有少少肚子隆起, 著左鬆身衫其他人都未必察覺我有小寶寶呢~~

進入中孕期亦即是我最舒服既日子, 肚子還未大, 精神十足, 又好胃口, 日日只想食食食....哈哈, 真是一段非常快樂既時光~



12/05/2014
16weeks
173cm 132lbs

12-15 Weeks 唐氏度頸皮測試

醫生會由2D 超聲波量度胎兒頸皮厚度, 而數據可以反應唐氏綜合症既機會率有幾高, 在胎兒發育此階段來量度準確率達95%以上, 所以如果在政府醫院排不到期, 建議到私家診所度做測試, 當然這個測試不是必要性~

我係13weeks做了測試, 一切安好放心了~~借意可以看看我的小寶寶, 今次豆豆有了手腳, 還在打思憶, 比起第一次看他更有一個人形了, 此時的胎寶寶非常好動, 因為神經還在迅速發育中, 所以動作比較大而且沒有方向性的, 到了20週動作會有所協調




15/4/2014  
13weeks
173cm 130lbs

頭3個月的初孕期

對我來說剛有了的頭3個月都不太易過, 放工回家脫了鞋子就在梳化上睡著了, 等著老公買外賣回家吃, 除了上班放假天都是睡覺, 沒有煮飯沒有做家務, 同朋友吃飯都沒有胃口, 初孕期共嘔了兩次, 但大部分時間都是吃不到太多~~ 個胃成日都不舒服, 胃氣亦十分多, 面上長滿豆豆, 全都是荷爾蒙作怪.....好在沒有消瘦

由於飲奶會反胃, 上網見有媽咪會飲鈣思寶代替, 對我來說的確好點, 而呢段時間每日都補充葉酸, 同埋食奇異果, 身體慢慢亦開始適應, 步入第14週神奇地所有不適都好了起來, 嗜睡問題亦改善, 開始有心機煮飯了~~hehe~~

肚子雖然沒有漲起來, 但這段時間更加要小心照料自已及bb, 有些動作不可做, 如舉起雙手拿東西, 烏身都要小心, 劇烈運動都要停止, 讓bb 安穩的在肚子裡成長~

初見BB~~感動生命奇蹟~

知道有左既時候已經book 左婦產科醫生檢查, 對於第一次懷孕的我, 每一件事都是新奇的, 醫生好細心問左好多關於我同老公既問題, 之後就照超聲波啦, 塗上涼冰冰既gel, 醫生有點力的用機按下去, 我看到一個影像, 一個小小的生命已經存在, 外型好似粒豆咁有2.7cm 長, 醫生再播放bb 既心跳聲, 非常響亮好似馬仔奔跑似的, 呢一刻我感動既眼淚已不自覺的流不停了...做媽媽既使命感一下子澎湃咁湧出來~~~哈哈!! 嚇得爸爸不知所措呢~~

而bb 既乳名都由呢一刻名為"豆豆", 遲d有妹妹就叫豆腐花, 弟弟就叫豆漿~~

 

見完醫生後, 我地立即去醫院登記了~~一連串既產前檢查亦即將開始

 

25/03/2014

9weeks

173cm 127lbs

 

 

 

 

 

    

 

 

 

天賜既禮物, 我們的喜悅~

小Con 就快做媽媽了, 2014年10月便是預產期, 係呢40weeks 裡面我要由一個對生仔一曉不通的人變成一個全能媽媽, 對我來說真係好大好大既轉變, 我會係呢度記錄同分享我既孕期點滴^^

年頭時參加了馬拉松, 回家幾日覺得不太對勁, 親戚沒有來訪, 老公叫我驗下啦, 點知中了^^有個小bb 悄悄降臨, 我係廁所大叫了.....實在太驚喜啦~~老公抱住我好似個傻瓜咁係咁笑...但我們要保守這個開心既祕密直至寶寶發育好了才公佈~~

2月19日
4weeks
173cm 126lbs